خبز الحليب بالمحسن الطبيعي

 خبز الحليب بالمحسن الطبيعي 

طريقة التحضير:

نخلط عالبارد ثلث كوب طحين وثلاثة ارباع الكوب ماء ..نحطن على نار هادية مع التحريك المستمر ليصير عنا قوام عجينة مطاطي شفاف..نترك العجينة تبرد بحرارة المطبخ ..(هاد هو المحسن يلي رح يعطي طراوة للعجين مثل القطن).

بوعاء العجن منحط كوب حليب دافي ..ربع كوب سكر ..بيضة بحرارة المطبخ ..ملعقة ونص خميرة نخلطهم كتير منيح ونتركهم خمس دقائق تتفاعل الخميرة ..

نضيف عليهن 4 كوب طحين منخول ..معلقتين حليب بودرة ..ملعقة صغيرة ملح ..والعجينة يلي عملناها بالبداية ..

نعجن المكونات منيح بنص العجين منضيف 50 غرام زبدة لينة ونستمر بالعجن لمدة خمس دقائق لحتى نوصل لقوامي عجينة طرية متماسكة..

نغطيها ونتركها ترتاح ساعة ..

نقطعها ل12 كرة متساوية ونشكلها حسب الرغبة ..

نصف القطع بصينية مبطنة بورق الزبدة ونغطيها مرة ثانية ونتركها تتخمر نصف ساعة ..

ندهن الوجه

بيضة مع معلقتين حليب سائل ..معلقة خل ..

نخبزها في فرن سااخن على درجة حرارة 200 من تحت اول بس تاخد الحراف لون منشغل عليها من فوق ..

بس تطلع من الفرن اتركوها تبرد بعدين اقسموها واحشوها نوتيلا او جبنة وألف صحة وهنا.