كيك العسل الروسي

كيك العسل الروسي 

المقادير:

- 120 جرام زبده

- كوب سكر

- 4 معالق كبيره عسل ابيض

- معلقه ونص صغيره بيكنج صودا

-3 بيضات وفانيليا

-رشة ملح

- من 4 ل 5 كوب دقيق.

الطريقه:

في حله او طاسه كبيره على النار نضيف الزبدة والسكر والعسل ونقلب لحد ما يختلطوا مع بعض ويبدأ الخليط يغلي او ما يبدأ يغلي فنضيف البيكنج صودا هبيدا يفور نقلب باستمرار لحد ما لونه يبقي عسلي فاتح ونشيله من ع النار ونفضل نقلب عشان لسه ويغمق ولو سبناه يتحرق نقلب فيه لمدة دقيقه او اثنين وبعدين نضيف البيض بيضه بيضه ونقلب بسرعه عشان البيض يختلط وميستويش وبعدين نضيف الخليط دا في حاجه اكبر ونضيف عليه الدقيق ورشة الملح كوب بكوب.

ونعجن كل المكونات مع بعض العجينة بتكون بتزلق لكن ملمومه عشان نعرف نفردها

يعني ممكن نحتاج ل 4 كوب فقط وممكن نزود شويه كمان حسب نوع الدقيق

بعد كدا نغلفها وندخلها الثلاجة ربع ساعه

ونطلعها ونقسمها ل 8 كور

سنفرد كل كوره ع ورق زبده ونخرمها بالشوكة ونسويها ف فرن سخن ع درجة حراره 180 لمدة 7 دقائق بالضبط

ونطلعها ونغطيها بفوطه

ناخد واحده منها نسيبها مش متغطيه عشان دي ونفرمها مع مكسرات او من غير ونزين بيها الكيك

الكريمة

- كوب كريمة خفق

- كوب ساور كريم

- كوب الا ربع سكر بودر

- معلقه فانيليا صغيره

البديل الكريمة

- علبة قشطه وعلبتين زبادي صغيره

- ومعلقه كبيره جبنه كريمي

- كوب كريمة خفق ومعلقتين كريم شانتيه

- كوب الا ربع سكر بودر

- معلقة فانيليا

نضرب كل دا مع بعض لحد ما يثقل وكدا جاهز

ندهن كل طبقه بلبن بسيط عشان تبقي طريه

ونحط كريمة ونساويها وهكذا لحد ما نخلص الطبقات كلها وندخلها الثلاجة اقل حاجه ساعتين وممكن ليله كامله

وبعدين نطلعها نزينها ونقدمها.