-->

كيك شوكولاتة 

 

كيك شوكولاتة

خليط الكيك:

  - كوب ونصف دقيق

 - نصف كوب كاكاو خام

 - رشة ملح

 - معلقه كبيره مش مليانه بيكنج بودر

 - معلقه كبيره نشا

 - 3 بيضات

 - فانيليا

 - كوب سكر بودر

 - نصف كوب زيت

 - كوب الا ربع لبن (حليب) دافئ ومعلقة نسكافيه


نخلط كل المكونات الجافه مع بعض وننخلهم جيدا


في الخلاط  او مضرب كهربي نضرب البيض والفانيليا وبعدين السكر نضربهم مع بعض كويس جدا وبعدين ننزل بالزيت ونضرب واخيرا اللبن مع النسكافيه ونضرب تانية ونصبه على خليط الدقيق ونقلب من تحت لفوق كويس ونصب الخليط في صينيه مدهونه بزيت ورشة دقيق علي كاكاو.

ندخلها فرن سخن على حرارة 180 في الرف الوسطاني بتاخد من 20 ل 25 دقيقه بعد ما خرجتها سيبتها تهدي تماما وسقيتها بكوب الا ربع لبن عليه معلقة سكر ومعلقة نسكافيه صغيره.


الطبقة الثانية:

 

 - كوب كريمة

- 150 جرام شوكولاتة خام

- 50 جرام شوكولاتة بالحليب

- معلقه كبيره كاكاو خام


 

البديل:

- كوب كريم شانتيه

- كوب لبن بارد مثلج

- والشوكولاتة والكاكاو نفس المقادير


سنسيح الشوكولاتة على حمام مايه ونسيبها علي جنب تبرد شويه وبعدين بمضرب كهربا انضرب الكريمة لحد ما تثقل وبضيف عليها الشوكولاتة ونضرب تانيا واخيرا الكاكاو وكدا تبقي جاهزة حطيت الكريمة علي الكيك وساويتها.

كنت سبت من صوص الشوكولاتة معلقتين عشان ازين بيه الوش.

وممكن نوتيلا او شوكولاتة مبشوره او كاكاو اي حاجه متاحه.

وندخلها الثلاجة اقل حاجه 4 ساعات انا سيبتها ليله كامله.


Cakes & pastry

جديد قسم : كيك

إرسال تعليق