-->

المعمول بملقط النقش المعمول الشامي على أصوله طعم وشكل بجنن

  المعمول بملقط النقش المعمول الشامي على أصوله طعم وشكل بجنن

المعمول الشامي


المقادير :


كيلو طحين ابيض (7 أكواب ونصف معيارية)

نصف كيلو سمنة  لينة مائلة للبرودة (كوبين ونص)يفضل يكون سمن حيواني

نعجنهم مع بعض منيح ليتجانسو ونحطن بالثلاجة ساعتين .

نطلعن من البراد (الثلاجة ) ونعجن مرة ثانية جيدا.

 في جنب نخلط كوب سكر مع كوب ماء مثلج و5 معالق قطر ثقيل(شيرة).

نخلط مع بعض جيدا ونضيف للعجينة بالتدريج ونلم العجينة لم برؤس الأصابع بدون عجن (حتى ما يطلع المعمول قاسي).

 حتى تتشرب العجينة كل السوائل وتتجانس رح تكون طرية شوي نرجعها لثلاجة مرة تانية لمدة ساعتين او أكثر.


الحشوات :

1تمر مطحون يعجن بمعلقة كبيرة سمن حيواني ومعلقتين قطر (شيرة)


2.الفستق ..جوز ..كاجو ...مفروم  كل 200 غرام  نضيف لهم معلقة صغيرة سمنة ومعلقتين ماءزهر... 5 معالق قطر ومعلقة كبيرة سكر بودرة ونعجنهم جيدا ....

حشوة جوز الهند مع الزبيب نعجنن بالحليب المكثف او القطر باخر العجن نضيف ملعقة صغيرة سمنة.


ملاحظة ضرورية:


1.العجينة وقت بدك تشتغل فيها بتبدأي فيها قطعة قطعة مطلعيها كلها من البراد.


2.بعد ماتحشي المعمول ضعيهم بالبراد ربع ساعة قبل ما تشكليهم بالقالب مشان تثبت الرسمة عليهم .


وعلى الفرن فورا مسخن مسبقا على درجة حرارة 220 من فوق وتحت على الرف الوسط مع المراقبة .


3 .لا تفتحي عليهم الفرن اثناء الخبز.. عند اللزوم فقط حتى ما يحصل فيهم تشققات.


وصفة layla alkeswani

الفيديو كامل بقناة اليوتيوب مطبخ ليلى الشامي:



جديد قسم : حلويات الشاي والحفلات

إرسال تعليق