البيتزا الإيطالية بكل أسرارها بعجينة ذهبية مقرمشة وجبنة مطاطية

 البيتزا الإيطالية بكل أسرارها بعجينة ذهبية مقرمشة وجبنة مطاطية 

المقادير:

3ونص كوب طحين منخول ..معلقة كبيرة خميرة ..2معلقة كبيرة حليب بودرة ...معلقة صغيرة بكنج بودر ..نص كاسة زيت زيتون وزيت نباتي (يعني ربع بربع)  معلقة صغير ملح ..

نذوب الخميرة بكوب حليب دافي مع معلقة سكر .. نغطيها نتركها 5 دقايق يتخمرو ..

نخلط المكونات الجافة الطحين والحليب والسكر البيكنج بودر ..وبعدها نضيف الحليب مع الخميرة والزيتون نعجن كتير منيح  حتى تتشكل عجينة ناعمة ومابتلزق .. نغطيها بنايلون ونتركها ترتاح بمكان دافي ..ساعة او اكتر ..

صوص البيتزا ..

بطنجرة على  النار نحط نصف كاسة بصل مفروم مع ربع كاسة زيت زيتون وملح  نقلبها لتدبل نضيف عليها كاسة بندورة مفروم ناعم ..ملح ..فلفل اسود ..أوريغانو ..معلقة كبيرة سكر

نصف كاسة ماء .. نغطيهن على نار هادية ليستوو .. من بعد نضيف 2 معلقة كبيرة دبس بندورة(معجون طماطم) ونكشفها لتنشف الماء عالأخر ..

نفرد العجين بسماكة حسب الرغبة و نرفع الحواف ..

منحط الصوص وبعدا مرتديلا مبروشة حسب الرغبة ..جبنة موزريلا ..

فطر ..درة ..فليفلة ..زيتون ..

ندخلها فرن حامي النار من تحت فقط اول خمس دقائف حتى تاخد لون من الاسفل

 من بعد نشغل من فوق وتحت مع بعض لتستوي وألف صحة وهنا .

وصفة layla alkeswani

الفيديو كامل بقناة اليوتيوب مطبخ ليلى الشامي: